02:18am 20 November 2026
NEWS
കുഫോസിൽ ലൈബ്രറി വാരാചരണം വായനയുടെയും വിജ്ഞാനസംരക്ഷണത്തിന്റെയും പ്രാധാന്യത്തിൽ പ്രഭാഷണം
19/11/2026  07:21 PM IST
മൈക്കിൾ വർഗ്ഗീസ് ചെങ്ങാടക്കരി
കുഫോസിൽ ലൈബ്രറി വാരാചരണം വായനയുടെയും വിജ്ഞാനസംരക്ഷണത്തിന്റെയും പ്രാധാന്യത്തിൽ പ്രഭാഷണം
HIGHLIGHTS

കുഫോസ് ലൈബ്രറി വാരാഘോഷം അഡ്വ എ ജയശങ്കർ സംസാരിക്കുന്നു

കേരള ഫിഷറീസ് സമുദ്രപഠന സർവകലാശാലയിൽ (കുഫോസ്) ലൈബ്രറിയുടെ ആഭിമുഖ്യത്തിൽ വായനാശീലം, സാഹിത്യാഭിരുചി, സർഗാത്മകത എന്നിവ പ്രോത്സാഹിപ്പിക്കുന്നതിനായി വിവിധ മത്സരങ്ങളോടെ ലൈബ്രറി വാരാചരണം സംഘടിപ്പിച്ചു. സമാപനച്ചടങ്ങ് വൈസ് ചാൻസലർ ഡോ. എ. ബിജു കുമാർ ഉദ്ഘാടനം ചെയ്തു.

പ്രശസ്ത എഴുത്തുകാരനും നിരൂപകനും പ്രഭാഷകനുമായ അഡ്വ. എ. ജയശങ്കർ മുഖ്യപ്രഭാഷണം നടത്തി. അറിവിന്റെ സംരക്ഷണത്തിലും വായനാശീലം വളർത്തുന്നതിലും ബൗദ്ധിക വികാസത്തിലും ലൈബ്രറികൾ വഹിക്കുന്ന പങ്ക്, ദേശീയവും അന്തർദേശീയവുമായ പ്രമുഖ ലൈബ്രറികളുടെ സംഭാവനകൾ, സാംസ്കാരിക പൈതൃകം സംരക്ഷിക്കുന്നതിലും വിജ്ഞാനം പൊതുസമൂഹത്തിന് ലഭ്യമാക്കുന്നതിലും അവയ്ക്കുള്ള പ്രാധാന്യം എന്നിവയെക്കുറിച്ച് സംസാരിച്ചു. ലൈബ്രറി വാരാചരണത്തിന്റെ ഭാഗമായി സംഘടിപ്പിച്ച റീൽ മേക്കിങ്, ബുക്ക് ഹണ്ട്, ഉപന്യാസരചന മത്സരങ്ങളിലെ വിജയികൾക്ക് സമ്മാനങ്ങൾ വിതരണം ചെയ്തു.

കുഫോസ് ലൈബ്രേറിയൻ ഡോ. പി. കെ. സുരേഷ് കുമാർ, ആന്തരിക ഗുണനിലവാര ഉറപ്പുസെൽ ഡയറക്ടർ ഡോ. മായ രാമൻ, ശ്രീ. സന്തോഷ്, ഡോ. രമ്യ രവീന്ദ്രൻ എന്നിവരും സംസാരിച്ചു. വിദ്യാർഥികളിലെ വായനാശീലവും സാഹിത്യാഭിരുചിയും സർഗാത്മകതയും പ്രോത്സാഹിപ്പിക്കുന്നതിനും സർവകലാശാലാ ലൈബ്രറിയെ വിജ്ഞാനത്തിന്റെയും പഠനത്തിന്റെയും സജീവ കേന്ദ്രമായി പരിചയപ്പെടുത്തുന്നതിനും ലൈബ്രറി വാരാചരണം വേദിയായി.

Photo Courtesy - Google

ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Ernakulam
img